Ég er Selfyssingur!

VÁVÁVÁVÁVÁ!!!

ÞVÍLÍKUR SIGUR! ÞVÍLÍK LIÐSHEILD! ÞVÍLÍKUR ANDI! ÞVÍLÍKIR STUÐNINGSMENN! ÞVÍLÍKUR SELFOSSBÆR!

Jahérnahér! Ég hef ekki mikið vit á handbolta, en ég þekki stemmingu þegar ég finn og sé hana! Ég er fædd og uppalin á Selfossi og ég man eftir Sigga Sveins og Bjarnabræðrunum Gústaf og Sigurjóni! Þegar ég var lítil mætti ég í Vallaskóla og hvatti liðið því mig langaði að vera með og það var svo gaman að vera hluti af stemmingunni! Þó maður hefði ekki hundsvit á því sem var í gangi þá man ég að stemmingin heltók bæinn þá eins og nú! Einar Gunnar var einmitt í þá daga hluti af því að endurgera eldhúsið heima hjá mér og ég man að ég montaði mig af því við alla skólafélagana!

Ný kynslóð gekk í gærkvöldi skrefi lengra en gömlu kapparnir og kláruðu dæmið heldur betur. Maður sá leikgleðina, metnaðinn, samheldnina hjá leikmönnum blandast saman við orkuna, gleði og væntingarnar frá stuðningsmönnum eins og olía á eld! Glæðurnar og hitinn voru til staðar en stuðningsmennirnir, andinn og stemmingin frá bænum var loka glóðin sem þurfti til að kveikja stærsta bálið í hjarta Selfyssinga sem þessi frábæri íþróttabær hefur kveikt í sinni sögu!

Það verður dásamlegt að fylgjast með þessum fyrirmyndum sem selfysska samfélagið hefur alið, stutt við og sjá hvað þessir afreksmenn í íþróttinni gera næst! Það er dýrmætt fyrir unga íþróttamenn að sjá hversu langt er hægt að ná með vilja og metnað! Og kannski smá peppi frá nokkrum bæjarbúum.

Takk fyrir frábæra skemmtun, takk fyrir að kveikja gleði, von og stemmingu í hjarta hvers einasta Selfyssings hvort sem hann er aðfluttur, brottfluttur eða hefur bara alltaf búið glaður við sitt á Selfossi!

Takk elsku strákar! Þið eruð frábærir!

TIL HAMINGJU MEISTARAR ÍSLANDS Í HANDBOLTA 2019!!!

Erna.