Körfuknattleikskonan Ása Lind Wolfram var á dögunum kjörin íþróttamaður ársins 2025 í Hveragerðisbæ. Ása Lind er uppalin hjá Hamri en undanfarin ár hefur hún spilað með liði Aþenu. Í sumar gerði hún svo samning við Idaho State í bandaríska háskólaboltanum. Ása Lind var á síðasta ári einn af lykilleikmönnum U-20 ára landsliðs Íslands í körfubolta sem náði frábærum árangdi í A-deild Evrópumótsins.
Fullt nafn: Ása Lind Wolfram.
Fæðingardagur, ár og staður: Fædd þann 9. apríl 2005 á Selfossi.
Fjölskylduhagir: Bý hjá foreldrum mínum og tveimur yngri bræðrum, og á svo tvær eldri systur.
Hverra manna ertu: Pabbi minn er Jóhann Rúnar Wolfram og mamma mín er Ásdís Linda Sverrisdóttir.
Menntun: Stúdentspróf frá Fjölbrautaskóla Suðurlands og nú stunda ég nám í Idaho State University, með heilbrigðisvísindi sem aðalfag og viðskiptafræði sem aukafag.
Atvinna: Ég get ekki unnið hér í Bandaríkjunum en á sumrin vinn ég oftast hjá Dýralæknaþjónustu Suðurlands.
Besta bók sem þú hefur lesið: Uppáhalds bókin mín er The Hunger Games.
Uppáhalds sjónvarpsþáttur: Normal People og Grey’s Anatomy.
Hvaða bíómynd getur þú horft á aftur og aftur: Allar seríurnar af The Hunger Games og Someone Great.
Te eða kaffi: Te.
Uppáhalds árstími: Sumar.
Besta líkamsræktin: Ætli það sé þá ekki bara körfuboltaæfing, það er nú það sem ég eyði mestum tíma í.
Hvaða rétt ertu best að elda: Ég er nú ekkert rosa æðisleg í að elda en á örugglega léttast með að elda tacos.
Við hvað ertu hrædd: Köngulær.
Klukkan hvað ferðu á fætur: Vanalega fer ég á fætur á milli 7:30 og 8:30.
Hvað gerir þú til að slaka á: Hlusta á tónlist sem mér finnst góð og það virkar nú ansi vel.
Hvað finnst þér vanmetið: Hreinskilni.
En ofmetið: Að drekka áfengi.
Hvaða lag kemur þér alltaf í stuð: Heads Will Roll (A-Trak Remix) með Yeah Yeah Yeahs.
Besta lyktin: Vanilla og lyktin af jólatrénu.
Bað eða sturta: Sturta.
Leiðinlegasta húsverkið: Fara út með ruslið.
Besta ráð sem þér hefur verið gefið: Að minna sig á stóru myndina.
Nátthrafn eða morgunhani: Nátthrafn.
Fallegasti staður sem þú hefur komið á: Yellowstone National Park.
Hvað fer mest í taugarnar á þér: Rosa hávært fólk, sérstaklega hérna í Bandaríkjunum.
Neyðarlegasta atvik sem þú hefur lent í: Örugglega bara alltaf þegar ég er þreytt og fer að hætta að geta talað ensku almennilega hérna í Bandaríkjunum og ég gefst þá bara upp að tala.
Hvað ætlaðir þú að verða þegar þú yrðir stór: Læknir eða dýralæknir.
Fyndnasta manneskja þú veist um: Milena, ein af liðsfélögum mínum hérna í ISU.
Ef þú fengir að vera einhver annar í einn dag hver þá: Zara Larsson, mjög góð söngkona og hún hefur notað platformið sitt vel.
Hvaða samfélagsmiðil notar þú mest: Nota Instagram mest.
Ef þú værir alvaldur í einn dag: Þá myndi ég vilja frið og jafnrétti.
Eitthvað sem fæstir vita um þig: Ég elska að keyra bíl, sakna þess aðeins of mikið hérna í Bandaríkjunum.
Mesta afrek í lífinu: Að komast á fullan skólastyrk hér í Bandaríkjunum.
Ef þú mættir ferðast fram eða aftur í tímann, hvert myndir þú þá fara: Myndi alveg vilja ferðast aftur í tímann og upplifa jólin og áramótin aftur þegar ég var svona 10 ára.
Lífsmottó: „What’s the worst that could happen?“
Hvað gerðir þú um helgina: Það var leikur hjá okkur í gær þannig mesti tíminn fór í þann leik og svo undirbúning fyrir þann næsta leik.
Sendu okkur tilnefningu að Sunnlendingi vikunnar á netfrett@sunnlenska.is