Hvergerðingurinn Árni Veigar Thorarensen hefur í tíu ár hannað skartgripi úr gamalli íslenskri mynt ásamt afa sínum, Gunnari Thor. Gunnarssyni. Félagarnir stofnuðu fyrirtækið Afi & ég utan um starfsemina og í dag er skartgripasmíðin full vinna Árna á veturna. Frá árinu 2017 hafa þeir gefið um 50 kílóum af gamalli mynt nýtt líf og á dögunum opnuðu þeir nýja vefsíðu, afiogeg.is.

Fullt nafn: Árni Veigar Thorarensen.
Fæðingardagur, ár og staður: Ég fæddist 11. júní 1997 í Hveragerði.
Fjölskylduhagir: Einhleypur.
Hverra manna ertu: Ég er fæddur og uppalinn í Hveragerði. Pabbi minn heitir Gunnar Th. Gunnarsson og er ættaður frá Akureyri og mamma heitir Ólöf Dagmar Úlfarsdóttir, kölluð Lóa og er ættuð úr Hafnarfirðinum.
Menntun: B.Sc. í verkfræði frá Háskólanum í Reykjavík, þrátt fyrir það starfa ég ekki sem verkfræðingur í dag.
Atvinna: Fyrir 10 árum kom afi til mín með klikkaða hugmynd, að smíða skartgripi úr gamalli íslenskri mynt. Tíu árum seinna vinn ég við það á veturna með afa mínum og hefur mikið vatn runnið til sjávar síðan þá. Við stofnuðum vörumerkið Afi & Ég utan um skartgripasmíðina og við gefum gömlum íslenskum krónum nýtt líf sem fallegir skartgripir. Hægt er að skoða og versla skartgripina á síðunni okkar afiogeg.is. Svo starfa ég einnig í garðyrkju á sumrin, ýmist við að rækta blóm eða byggja gróðurhús.
Besta bók sem þú hefur lesið: Um Tímann og Vatnið eftir Andra Snæ.
Uppáhalds sjónvarpsþáttur: The Office.
Hvaða bíómynd getur þú horft á aftur og aftur: Klárlega Lord of The Rings myndirnar.
Te eða kaffi: Hvorugt.
Uppáhalds árstími: Vor og sumar þegar allt byrjar að blómstra.
Besta líkamsræktin: Hún er soldið bland í poka þessa dagana, sund, hjólaferðir, badminton og ræktin inn á milli.
Hvaða rétt ertu bestur að elda: Ég elda mjög góðan indverskan kjúklingarétt.
Við hvað ertu hræddur: Að missa heilsuna mína.
Klukkan hvað ferðu á fætur: Fer eftir vinnunni sem ég er í að hverju sinni, ég var að fara á fætur klukkan 05:30 á hverjum morgni fyrir stuttu síðan. En núna fer ég á fætur klukkan 7 og finnst gott að eiga rólega morgna áður en ég fer í vinnuna.
Hvað gerir þú til að slaka á: Ég fer í sund í góðum félagsskap eða horfi á eitthvað skemmtilegt í sjónvarpinu.
Hvað finnst þér vanmetið: Gott ævintýri.
En ofmetið: Tenerife, hef samt aldrei farið þangað.
Hvaða lag kemur þér alltaf í stuð: September með Earth, Wind & Fire.
Besta lyktin: Nýfallið regn á vorin og svo minnir hveralyktin mann alltaf á heima svo hún er líka mjög góð þrátt fyrir skiptar skoðanir.
Bað eða sturta: Sturta, ekkert betra en heit sturta eftir langan dag.
Leiðinlegasta húsverkið: Skipta um rúmfötin.
Besta ráð sem þér hefur verið gefið: Besta ráð sem ég hef fengið var örugglega frá kennaranum mínum í grunnskóla, það var að halda alltaf í barnið innra með sjálfum sér.
Nátthrafn eða morgunhani: Morgunhani, finnst best að byrja daginn snemma.
Fallegasti staður sem þú hefur komið á: Dólómítarnir á Ítalíu!
Hvað fer mest í taugarnar á þér: Það fer ekkert meira í taugarnar á mér en traffíkin í Reykjavík.
Neyðarlegasta atvik sem þú hefur lent í: Það var að detta upp stiga, ég var á vandræðalegum aldri í grunnskóla og bekkjarfélagarnir mínir sáu til mín hrasa upp tröppur sem á eiginlega ekki að vera hægt.
Hvað ætlaðir þú að verða þegar þú yrðir stór: Eina sem ég man eftir að hafa hugsað þegar að ég var yngri var formúlukappi en það rættist svo sannarlega ekki. En þegar að ég horfi aftur á bak þá var ég alltaf að föndra og búa eitthvað til með höndunum ásamt því að hafa nánast alist upp inn í gróðurhúsi.
Fyndnasta manneskja þú veist um: Pabbi minn, hann fær okkur bræðurna alltaf til að grenja úr hlátri.
Ef þú fengir að vera einhver annar í einn dag hver þá: Yngri ég og fá að upplifa barnslega núvitund og æskuna einn dag í viðbót.
Hvaða samfélagsmiðil notar þú mest: Instagram.
Ef þú værir alvaldur í einn dag: Svo mikið sem þyrfti að gera en klárlega væri það fyrsta að setja ananas á allar pizzur.
Eitthvað sem fæstir vita um þig: Að ég er algjör nörd.
Mesta afrek í lífinu: Hingað til er það eflaust að byggja upp þetta skartgripa vörumerki með afa mínum, svo var líka alveg krefjandi að klára verkfræðina.
Ef þú mættir ferðast fram eða aftur í tímann, hvert myndir þú þá fara: Ég myndi fara aftur í tímann og spjalla við ömmu mína sem ég náði aldrei að hitta.
Lífsmottó: Fylgdu hjartanu/innsæinu.
Hvað ætlar þú að gera um helgina: Næsta helgi er frekar róleg fyrir utan eitt jólahlaðborð. En fyrstu tvær helgarnar í desember, þá verðum við afi á jólamarkaðnum í Heiðmörk. Það er mjög kósý og jólaleg stemming þar, mæli með að allir kíki þangað til að komast í jólastuð.


Sendu okkur tilnefningu að Sunnlendingi vikunnar á netfrett@sunnlenska.is

Fyrri greinViðbyggingin tekur á sig mynd