Þórey Þula Helgadóttir náði frábærum árangri í námi sínu í reiðmennsku og kennslu við Háskólann á Hólum í Hjaltadal. Hún brautskráðist þaðan með BS próf á dögunum og hlaut bæði Morgunblaðshnakkinn, sem veittur er þeim nemanda sem náð hefur bestum samanlögðum árangri í reiðmennsku yfir skólaárin þrjú, sem og verðlaun frá Félagi tamningamanna fyrir hæstu einkunn á lokaprófi í reiðmennsku.
Fullt nafn: Þórey Þula Helgadóttir.
Fæðingardagur, ár og staður: 10. mars 2004 í Reykjavík.
Fjölskylduhagir: Ég bý heima í Hvammi eins og er.
Hverra manna ertu: Pabbi minn er Helgi Kjartansson og mamma mín er Erna Óðinsdóttir.
Menntun: Stúdent frá Menntaskólanum að Laugarvatni og BSc í reiðmennsku og reiðkennslu.
Atvinna: Tamningar, þjálfun og reiðkennari.
Besta bók sem þú hefur lesið: Stóðhestabókin hvers árs en annars er ég mjög lesblind og les ekkert mjög mikið.
Uppáhalds sjónvarpsþáttur: Gilmore Girls.
Hvaða bíómynd getur þú horft á aftur og aftur: The Parent Trap.
Te eða kaffi: Te.
Uppáhalds árstími: Sumar.
Besta líkamsræktin: Hot Fit.
Hvaða rétt ertu best að elda: Pulsupastað mitt var frægt meðal samnemenda á Hólum.
Við hvað ertu hrædd: Ég er mjög lofthrædd.
Klukkan hvað ferðu á fætur: Ég fer oftast á fætur í kringum 7.
Hvað gerir þú til að slaka á: Ég fer í langan reiðtúr.
Hvað finnst þér vanmetið: Sósan.
En ofmetið: Allt hitt.
Hvaða lag kemur þér alltaf í stuð: Dusta rykið með Emmsjé Gauta.
Besta lyktin: Hestalyktin.
Bað eða sturta: Sturta.
Leiðinlegasta húsverkið: Mér finnst alveg agalegt að ryksuga.
Besta ráð sem þér hefur verið gefið: Notaðu erfiðleikann.
Nátthrafn eða morgunhani: Nátthrafn.
Fallegasti staður sem þú hefur komið á: Hjaltadalurinn.
Hvað fer mest í taugarnar á þér: Þegar fólk lokar ekki klósettsetunni eftir sig.
Neyðarlegasta atvik sem þú hefur lent í: Úff þau eru rosalega mörg.
Hvað ætlaðir þú að verða þegar þú yrðir stór: Ég ætlaði mér alltaf að verða lögga.
Fyndnasta manneskja þú veist um: Pabbi minn.
Ef þú fengir að vera einhver annar í einn dag hver þá: Ég myndi vilja vera Harry Potter.
Hvaða samfélagsmiðil notar þú mest: Instagram.
Ef þú værir alvaldur í einn dag: Ég veit ekki hvar ég myndi byrja…
Eitthvað sem fæstir vita um þig: Ég endaði dimission upp á slysó eftir slys á trampólíni.
Mesta afrek í lífinu: Útskrifast frá Hólaskóla.
Ef þú mættir ferðast fram eða aftur í tímann, hvert myndir þú þá fara: Ég myndi fara aftur í tímann og merkja gröfina hans Jónasar betur svo það væri alveg örugglega hann sem endaði á Þingvöllum.
Lífsmottó: Þetta reddast.
Hvað ætlar þú að gera um næstu helgi: Ég ætla að skella mér á tónleika.
Sendu okkur tilnefningu að Sunnlendingi vikunnar á netfrett@sunnlenska.is