Alþingi var sett í vikunni en nýjasti þingmaður Sunnlendinga er Ingveldur Anna Sigurðardóttir frá Varmahlíð undir Eyjafjöllum. Hún tók sæti á þingi fyrir hönd Sjálfstæðisflokksins í júní síðastliðnum, eftir að Vilhjálmur Árnason tók við starfi bæjarstjóra í Reykjanesbæ, og er nú að fara inn í sinn fyrsta þingvetur.
Fullt nafn: Ingveldur Anna Sigurðardóttir.
Fæðingardagur, ár og staður: Fæddist á Selfossi þann 19. janúar 1997.
Fjölskylduhagir: Er einhleyp en eyði miklu tíma með fjölskyldu minni heima í Varmahlíð!
Hverra manna ertu: Anna Birna Þráinsdóttir er móðir mín, margir þekkja hana sem fyrrverandi sýslumann Suðurlands. Hún er ættuð og alin upp á héraði, þannig ég á mjög sterkar rætur að rekja þangað. Pabbi heitir Sigurður Jakob Jónsson og hann er alin upp á ættaróðalinu, Varmahlíð undir Eyjafjöllum. Föðurfjölskylda mín hefur verið búsett í Varmahlíð í rúmlega 250 ár. Núna reka þau ferðaþjónustu heima í Varmahlíð.
Menntun: Ég útskrifaðist með stúdentspróf frá Fjölbrautaskóla Suðurlands árið 2016. Svo fór ég í lagadeild Háskóla Íslands og útskrifaðist þaðan með meistarapróf í lögfræði árið 2022.
Atvinna: Ég er þingmaður Suðurkjördæmis. Datt inn á þing í júní á þessu ári eftir að Vilhjálmur Árnason varð bæjarstjóri í Reykjanesbæ.
Besta bók sem þú hefur lesið: Bróðir minn ljónshjarta. Á sama tíma og hún er alveg ofboðslega sorgleg, þá er söguþráðurinn svo fallegur.
Uppáhalds sjónvarpsþáttur: Er algjör alæta á sjónvarpsþætti. Ég var að klára að horfa á Landman, mæli mjög mikið með þeim!
Hvaða bíómynd getur þú horft á aftur og aftur: Lord of The Rings og The Hobbit held ég. Æðislegar ævintýramyndir sem allir ættu að horfa á a.m.k. einu sinni á ævinni.
Te eða kaffi: Kaffi á morgnana og te á kvöldin.
Uppáhalds árstími: Elska sumrin að sjálfsögðu, en haustin eru oft ekki síðri. Þá er svo mikið að gerast, réttir og smalanir o.s.frv.
Besta líkamsræktin: Refsa lóðunum og ganga á fjöll!
Hvaða rétt ertu best að elda: Ég er orðin seig í að gera gera indverskan smjör kjúkling (e. butter chicken) frá grunni! Mamma vill samt meina að ég sé svona dósakokkur. Opna margar dósir og sulla því svo saman!
Við hvað ertu hrædd: Ég er alin upp að hluta upp í sveit en hef alltaf verið skíthrædd við hænur.
Klukkan hvað ferðu á fætur: Misjafnt en er yfirleitt vöknuð fyrir kl. 9. Finnst ofboðslega gott samt að liggja upp í rúmi á samfélagsmiðlum og lesa fréttir.
Hvað gerir þú til að slaka á: Að sitja heima við arininn er ofboðslega kósý.
Hvað finnst þér vanmetið: Að keyra langar vegalengdir. Það er svo mikil hugarró og manni dettur oft eitthvað mjög sniðugt í hug þegar maður er á rúntinu,
En ofmetið: Dettur ekkert sérstakt í hug. En stundum kannski að standa fremst á tónleikum í troðning. Miklu skemmtilegra að standa t.d. aftast og geta tjúttað þar.
Hvaða lag kemur þér alltaf í stuð: Platan Vélrænn með Friðriki Dór. Sjúklega vanmetin plata og hann spilar hana aldrei á tónleikum, en þetta eru algjör slagaraplata.
Besta lyktin: Lyktin af nýslegnu grasi á sumrin.
Bað eða sturta: Heit sturta alltaf! Er samt einlægur aðdáandi af heitum pottum og baðlónum!
Leiðinlegasta húsverkið: Brjóta saman þvott er alveg leiðinlegast.
Besta ráð sem þér hefur verið gefið: Ef þú ert í vafa með hvort þú eigir að gera eitthvað, hugsaðu þá: Muntu sjá eftir því að hafa ekki gert þetta þegar þú verður orðin gömul? Ýmislegt sem ég hef kýlt á útaf þessu hugarfari, eins og t.d. að demba mér í prófkjör árið 2021.
Nátthrafn eða morgunhani: Er hægt að vera C manneskja? Finnst afskaplega gott að vera komin upp í rúm snemma en get legið síðan upp í rúmi alveg endalaust.
Fallegasti staður sem þú hefur komið á: Fyrir utan Varmahlíð, þá er það kannski nokkrir staðir í Víetnam eða Lake bled í Slóveníu.
Hvað fer mest í taugarnar á þér: Bróðir minn getur alveg farið í mínar fínustu taugar og getur gert mig alveg brjálaða bara með því að anda stundum. Það er held ég bara systkinakærleikurinn í sinni tærustu mynd.
Neyðarlegasta atvik sem þú hefur lent í: Af mjög mörgu að taka. Er svakalega ómannglögg og man enginn nöfn, sem er svakalega óheppilegt í mínu starfi. Ég tala líka fáránlega hátt og vinkonur mínar sussa á mig alveg ítrekað þegar við erum t.d. að ræða hluti sem aðrir eiga ekkert að heyra.
Hvað ætlaðir þú að verða þegar þú yrðir stór: Ég ætlaði að vera blaðamaður, flugfreyja og auðvitað eins og allar stelpur, prinsessa.
Fyndnasta manneskja þú veist um: Þótt ég segi sjálf frá, þá er ég ansi fyndin. Ef ég á að horfa út fyrir minn innsta hring, þá er það kannski Helgi Brynjarsson starfsmaður þingflokks. Hann reitir af sér brandarana í hádeginu sérstaklega.
Ef þú fengir að vera einhver annar í einn dag hver þá: Ég væri til í að vera Trump og sjá bara hvernig þessi maður hugsar og hvað hann sé að spá frá degi til dags.
Hvaða samfélagsmiðil notar þú mest: Myndi segja Instagram og TikTok.
Ef þú værir alvaldur í einn dag: Þá myndi ég búa til nánast skattalaust land.
Eitthvað sem fæstir vita um þig: Ég er ekki mjög matvönd en ég borða ekki sveppi útaf áferðinni. Get alveg borðað sveppasúpu og sósu. Þarf bara plokka sveppina úr.
Mesta afrek í lífinu: Held það sé örugglega minn pólitíski ferill og að fá þann heiður að sitja á Alþingi.
Ef þú mættir ferðast fram eða aftur í tímann, hvert myndir þú þá fara: Ég væri til í að ferðast til Rómar á hápunkti Rómarveldisins.
Lífsmottó: Það verður að vera gaman, annars er svo leiðinlegt.
Hvað ætlar þú að gera um næstu helgi: Ég ætla í uppsveitir Árnessýslu og fara í réttir og hafa gaman.
Sendu okkur tilnefningu að Sunnlendingi vikunnar á netfrett@sunnlenska.is