Eyrbekkingurinn Guðrún Jóhannsdóttir er nýr skólastjóri Barnaskólans á Eyrarbakka og Stokkseyri en hún tók við starfinu þann 1. ágúst síðastliðinn. Guðrún starfaði síðast sem deildarstjóri í Vallaskóla á Selfossi en hún hefur tæplega 26 ára reynslu af stjórnun, skólaþróun og leiðtogastörfum innan grunnskólanna.
Fullt nafn: Guðrún Jóhannsdóttir.
Fæðingardagur, ár og staður: Fædd á gamla sjúkrahúsinu á Selfossi, 8. febrúar 1971.
Fjölskylduhagir: Er gift Ólafi Einarssyni mjólkurtæknifræðingi hjá MS Selfossi og saman eigum við þrjú uppkomin börn, tengdabörn og fjögur barnabörn á aldrinum 4. mánaða til 6 ára.
Hverra manna ertu: Faðir minn hét Jóhann Gíslason og ólst upp á Eyrarbakka. Í gegnum hann er ég ættuð frá Mundakoti á Eyrarbakka og Gamla Hrauni á Eyrarbakka og svo austan af Hunkubökkum og Heiði á Síðu að langfeðgatali. Móðir mín hét Helga Hörslev Sörensen og ólst upp á Selfossi. Hún var ættuð frá Gerðhömrum í Dýrafirði í móðurætt og komin af Sighvati Borgfirðingi. Faðir hennar var hins vegar amerískur hermaður, Darwin Abott Mason að nafni, sem dvaldi í Reykjavík í seinni heimstyrjöldinni. Hann var ættaður frá Vestur Virginíu, en frá Gloucestershire á Englandi að langfeðgatali.
Menntun: Meistarapróf í Menntun án aðgreiningar og diplóma í Stjórnun menntastofnanna hvoru tveggja frá Háskóla Íslands.
Atvinna: Skólastjóri Barnaskólans á Eyrarbakka og Stokkseyri
Besta bók sem þú hefur lesið: Karitas án titils eftir Kristínu Mörju Baldursdóttur.
Uppáhalds sjónvarpsþáttur: Leitin að upprunanum.
Hvaða bíómynd getur þú horft á aftur og aftur: Kastaníumaðurinn.
Te eða kaffi: Kaffi fram til hádegis en koffínlaust te eftir hádegi og fram á kvöld.
Uppáhalds árstími: Haustið.
Besta líkamsræktin: Göngu- og hjólatúrar við ströndina.
Hvaða rétt ertu best að elda: Lasagne.
Við hvað ertu hrædd: Hef alltaf verið frekar hrædd við kríur.
Klukkan hvað ferðu á fætur: Virka daga á bilinu 5:50 – 6:10. Sef aðeins lengur um helgar.
Hvað gerir þú til að slaka á: Ég prjóna, hlusta á bækur og fer í infrarauðan klefa.
Hvað finnst þér vanmetið: Að ganga á móti sólu.
En ofmetið: Fokdýr baðlón.
Hvaða lag kemur þér alltaf í stuð: Paradise By The Dashboard Light með Meat Loaf.
Besta lyktin: Lyktin af ungabarni.
Bað eða sturta: Sturta.
Leiðinlegasta húsverkið: Að þrífa bílinn minn.
Besta ráð sem þér hefur verið gefið: Komdu fram við aðra eins og þú vilt að komið sé fram við þig.
Nátthrafn eða morgunhani: Morgunhani, er sennilega A+ manneskja.
Fallegasti staður sem þú hefur komið á: Allt í kringum Banff í Klettafjöllunum í Albertafylki í Kanada.
Hvað fer mest í taugarnar á þér: Þegar fólk gerir úlfalda úr mýflugu.
Neyðarlegasta atvik sem þú hefur lent í: Þegar Dimma (Labradorhundurinn okkar) dró mig á eftir sér í hálku og ég féll kylliflöt.
Hvað ætlaðir þú að verða þegar þú yrðir stór: Fréttakona í sjónvarpi.
Fyndnasta manneskja þú veist um: Bróðir minn hann Hafsteinn Ingimundarson (Haddi) er óendanlega fyndinn og fær mig alltaf til að hlæja.
Ef þú fengir að vera einhver annar í einn dag hver þá: Ég myndi fara aftur til fortíðar og vera langamma mín og alnafna sem bjó alla sína ævi á Eyrarbakka. Ástæðan væri að finna á eigin skinni hvernig lífið var á Bakkanum um aldamótin 1900 og kunna betur að meta öll þau lífsgæði sem við lifum við í dag.
Hvaða samfélagsmiðil notar þú mest: Instagram.
Ef þú værir alvaldur í einn dag: Þá myndi ég koma á friði í heiminum.
Eitthvað sem fæstir vita um þig: Fæstir vita að ég var komin fast að þrítugu þegar ég smakkaði áfengi í fyrsta sinn.
Mesta afrek í lífinu: Að hafa eignast heilbrigð börn.
Ef þú mættir ferðast fram eða aftur í tímann, hvert myndir þú þá fara: Ég myndi ferðast til ársins 1995 og leiða móðurafa minn og móður mína saman. Þau hittust aldrei á lífsleiðinni, en ég fann fjölskyldu hans og afkomendur í Suður Karólínu í Ameríku fyrir nokkrum árum og hef náð góðum tengslum við þau.
Lífsmottó: Frestaðu ekki til morguns því sem þú getur gert í dag.
Hvað ætlar þú að gera um helgina: Fylgjast með handbolta, fara út að borða, prjóna smá og njóta þess að vera með fjölskyldu og vinum.
Sendu okkur tilnefningu að Sunnlendingi vikunnar á netfrett@sunnlenska.is