Selfyssingurinn Friðný Fjóla Jónsdóttir gerði sér lítið fyrir um og sigraði í sínum þyngdarflokki á Íslandsmótinu í ólympískum lyftingum sem haldið var um síðustu helgi í Miðgarði í Garðabæ. Sigrinum fagnaði hún með nýju Íslandsmeti í flokknum en Friðný Fjóla, sem keppir fyrir Stjörnuna í Garðabæ, snaraði 100 kg og jafnhattaði 128 kg. Samtals lyfti hún því 228 kg sem tryggði henni sigurinn.
Fullt nafn: Friðný Fjóla Jónsdóttir.
Fæðingardagur: 10. maí 1997.
Hverra manna ertu: Foreldrar mínir eru Anna Dóra Ágústsdóttir og Jón Karl Jónsson.
Menntun: Stúdent frá FSu.
Atvinna: Þjálfari og sundlaugarvörður í Hveragerði.
Besta bók sem þú hefur lesið: Verity eftir Colleen Hoover er eftirminnilegust akkúrat núna. Ég kláraði hana á ferðalaginu til Búlgaríu og gat hreinlega ekki hætt að lesa!
Uppáhalds sjónvarpsþáttur: Criminal Minds.
Hvaða bíómynd getur þú horft á aftur og aftur: Shawshank Redemption.
Te eða kaffi: Svart kaffi takk, enga mjólk.
Uppáhalds árstími: Haustið.
Besta líkamsræktin: Crossfit og ólympískar lyftingar.
Hvaða rétt ertu best að elda: Ég er rosalega góð í að gera bananabrauð og smjörkrem.
Við hvað ertu hrædd: Köngulær.
Klukkan hvað ferðu á fætur: Aldrei fyrr en 5:14 og aldrei seinna en 8:24.
Hvað gerir þú til að slaka á: Hvað er að slaka á?
Hvað finnst þér vanmetið: Að fara snemma að sofa.
En ofmetið: Að fara seint að sofa.
Hvaða lag kemur þér alltaf í stuð: She’s American með The 1975.
Besta lyktin: Nýmalað kaffi.
Bað eða sturta: Ég hata bað.
Leiðinlegasta húsverkið: Að þrífa baðið.
Nátthrafn eða morgunhani: Algjör morgunhani og vil helst vera farin að sofa fyrir 10!
Fallegasti staður sem þú hefur komið á: Sviss er afar fallegt og Önundarfjörðurinn líka.
Hvað fer mest í taugarnar á þér: Þegar snúrur flækjast saman.
Neyðarlegasta atvik sem þú hefur lent í: Einu sinni vorum við að beygja niðrí Hengli í Hveragerði. Nema hvað, saumurinn í buxunum mínum gaf sig algjörlega og opnaðist þvert um rassinn. Sem betur fer var ég með auka buxur og peysu til að hylja mig.
Hvað ætlaðir þú að verða þegar þú yrðir stór: Ætlaði mér alltaf að verða réttarmeinafræðingur.
Fyndnasta manneskja þú veist um: Pabbi minn.
Ef þú fengir að vera einhver annar í einn dag hver þá: David Attenborough. Mig langar að sjá mörgæsir!
Hvaða samfélagsmiðil notar þú mest: Instagram.
Ef þú værir alvaldur í einn dag: Þá myndi ég gera það að reglu að það væri aldrei rukkað aukalega fyrir fjórða nammið í bragðaref.
Eitthvað sem fæstir vita um þig: Ég borða ekki sósur og drekk ekki með mat.
Mesta afrek í lífinu: Að komast inn á heimsmeistaramót í ólympískum lyftingum.
Ef þú mættir ferðast fram eða aftur í tímann, hvert myndir þú þá fara: Ég færi aftur í tímann, ég vil fá að vita hvernig pýramídarnir voru byggðir.
Lífsmottó: Þú veist ekki fyrr en þú hefur prufað.
Hvað ætlar þú að gera um helgina: Vinna og þjálfa!
Sendu okkur tilnefningu að Sunnlendingi vikunnar á netfrett@sunnlenska.is