Keppni á 27. Landsmóti UMFÍ hófst í gær á Selfossi með keppni í skeet, borðtennis, badminton og handbolta.
Myndir frá fyrsta keppnisdegi má sjá í albúmi hér hægra megin á síðunni.
Heimamenn í HSK báru sigur úr býtum í borðtennis í sameiginlegri stigakeppni í karla- og kvennaflokki. Bergrún Linda Björgvinsdóttir fór fyrir sínu liði en hún varð landsmótsmeistari í kvennaflokki.
Í dag er mikið um að vera á mótinu og keppt í fjölmörgum greinum. Keppni hefst fyrir hádegi og lýkur ekki fyrr en undir kvöldmatarleytið. Á meðal keppnisgreina dagsins má nefna Körfuknattleik, bridds, skotfimi, hestaíþróttir, boccia, frjálsar íþróttir, gróðursetning, skák, júdó og handknattleik.
Formleg setning mótsins verður í kvöld og hefst hún klukkan 21.
Nánari upplýsingar kaup á ljósmyndum frá mótinu má nálgast með því að senda póst á gk@sunnlenska.is