Útgáfuhóf í Iðu

Bókaútgáfan Sæmundur minnir á útgáfuhóf í Iðu í Lækjargötu kl. 14-16 á laugardag. Þar verður fagnað útkomu bókarinnar Góða ferð, handbók um útivist.

Þar kynna þær Helen Garðarsdóttir og Elín Magnúsdóttir nýja bók sína Góða ferð, handbók um útivist. Boðið verður upp á kleinur, kaffi, kakó og útilegusöng. Allir velkomnir. Bókin verður seld á staðnum á sérstöku kynningarverði 3515 (fullt verð er 4390 kr.)

Bókin Góða ferð, handbók um útivist er einskonar alfræðirit fyrir útivistariðkendur, bæði byrjendur og lengra komna. Í henni er farið yfir alla grunnþætti útivistariðkunnar, eins og klæða- og útbúnaðarval, rötun og leiðarval, næringu, veður og fyrstu hjálp, svo eitthvað sé nefnt. Í bókinni er að finna svör við ótal spurningum, eins og hvernig eigi að komast hjá því að verða kalt í tjaldi, hvernig einangrun virki, hvernig komast megi hjá ofkælingu og hvernig mismunandi prímusar standa sig við mismunandi hitastig. Þá er sérstakur kafli um hvað skuli gera ef ferðafólk villist.