Söngkonan, fiðuleikarinn og lagasmiðurinn Unnur Birna mun flytja uppáhaldsjazzlögin sín í bland við frumsamið efni á tónleikum í Listasafni Íslands við Fríkirkjuveg í Reykjavík fimmtudaginn 2. ágúst kl. 17:15.
Með henni leika Sigurgeir Skafti Flosason á bassa og Björn Thoroddsen á gítar.
Tónleikarnir verða á efstu hæð listasafnsins og verður barinn opinn. Aðgangseyrir er 1.800 krónur.
Tónleikarnir eru hluti af tónleikaröðinni Freyjujazz en tónleikaröðin var valinn tónlistarviðburður ársins í flokki jazz- og blústónlistar á Íslensku tónlistarverðlaununum 2017.