Kór Keflavíkurkirkju mun syngja lög U2 við messur í Hveragerðiskirkju og Selfosskirkju í dag.
Þar syngur kórinn lög trúarlegs eðlis eftir hjómsveitina U2 með Sigurð Ingimundarson, kaftein úr Hjálpræðishernum og stórsöngvara, í farabroddi.
Um hljóðfæraleikinn sjá Aðalsteinn Aðalsteinsson á gítar, Þorvaldur Halldórsson á trommur og Sólmundur Friðriksson á bassa. Þýðendur textanna eru séra Gunnar Sigurjónsson og Guðlaugur Gunnarsson, en stjórnandi er Arnór B. Vilbergsson, organisti Keflavíkurkirkju.
Sambærilegar messur hafa verið sungnar í nokkrum kirkjum en kórinn söng tvær U2 messur í Keflavíkurkirkju í nóvember síðastliðnum við gríðarlega góðar undirtektir og aðsókn.
Meðal efnis sem hópurinn flytur eru lögin: Gloria, Ef guð mér engla sendi (If God will send his Angels), Kom frelsa mig (Love rescue me), Eitt (One) og Það er ástin ein (In the name of Love), en alls eru lögin átta talsins, þar af sex með þátttöku kórsins.
Messað verður kl. 15:00 í Hveragerðiskirkju en kl. 18:00 í Selfosskirkju. Aðgangur er ókeypis.