Í dag er síðasti sýningardagur listmálarans Elfar Guðna Þórðarsonar á sýningunni Frá Djúpi til Dýrafjarðar í Gallerí Svartakletti á Stokkseyri.
Þar hefur Elfar Guðni sýnt glæsilegar Vestfjarðamyndir sem hann málaði í haust þegar hann og eiginkonan Helga Jónasdóttir dvöldu í þrjár vikur í Mannlífs- og menningarsetri Önfirðingafélagsins að Sólbakka á Flateyri.
Elfar Guðni hefur sagt frá hinum mögnuðu áhrifum sem vestfirska náttúran hafí á hann og jafnvel gerði hann verklausan af hrifningu. Hefur þessu verið líkt við ofsælu. Til þess að gera betur grein fyrir þessari upplifun og áhrifum verður boðið til “Trönuspjalls” í sýningarsal Elfars Guðna, Svartakletti í Menningarverstöðinni á Stokkseyri í dag kl. 15.
Trönuspjallið leiða Stokkseyringarnir innfæddu; Elfar Guðni Þórðarson og Guðbrandur Stígur Ágústsson og Flateyringarnir innfæddu; Björn Ingi Bjarnason og Björn E. Hafberg. Allir hafa þeir búið á Stokkseyri, í mislangan tíma þó. Guðbrandur Stígur bjó á Patreksfirði um tíma og Elfar Guðni hefur dvalið á Sólbakka í fjórgang.
Allir hjartanlega velkomnir.