Tinni og aðrar teiknimyndahetjur hafa verið áberandi á Bókasafni Árborgar á Selfossi í sumar enda sumarlestur barnanna tileiknaðar þeim.
Fjöldi barna hefur sótt sumarlestrarstundirnar í júní og nú bætist við sumarlestursstund fullorðinna. Það er enginn annar en Gísli Marteinn Baldursson, helsti sérfræðingur þjóðarinnar í Tinna og öllu sem honum tengist, sem mætir á bókasafnið næsta fimmtudag, þann 30. júní klukkan 18:00.
Að því loknu verður fjölmennt í Mjólkurbúið. Þar er fjöldi veitingastaða og í Risinu er að finna margvíslegar veigar við allra hæfi; Tinnakokteila, sódavatn frá Akureyri sem aldrei svíkur og síðast en ekki síst 15 tegundir af viskíi til heiðurs Kolbeini kafteini.