Dagana 15. og 29. október mun minjanefnd Ungmennafélags Selfoss standa fyrir viðburðum í Bókasafni Árborgar á Selfossi þar sem farið verður yfir sögu sunddeildar Selfoss.
Miðvikudaginn 15. október kl. 16-18 verður farið yfir fyrstu ár sunddeildarinnar, frumherja minnst og hvað bygging sundhallarinnar breytti miklu. Gestir verða m.a. sunddrottingarnar Ingunn Guðmundsdóttir, Katla Leósdóttir, Þuríður
Jónsdóttir, systurnar Andrea og Ásrún Jónsdætur og Jón B. Stefánsson.
Miðvikudaginn 29. október mætir svo Magnús Tryggvason, sundþjálfari, til leiks en hann hefur farið á fjölda móta
erlendis og lýst sundkeppunum í Ríkissjónvarpinu, sjónvarpi allra landsmanna.
Allir eru velkomnir og býður minjanefndin upp á veitingar frá GK bakaríi.