Menningarfélag Suðurlands og Tryggvaskaskáli standa fyrir djazzveizlu í Tryggvaskála alla laugardaga í sumar.
Fyrst stígur á stokk djassdrottningin frá Selfossi, Kristjana Stefánsdóttir ásamt Vigni Þór Stefánssyni á píanó og Sigurgeiri Skafta á bassa.
Ekki þarf að fjölyrða um hæfileika og afrek Kristjönu en allir eru hvattir til að koma í Skálann og sjá og heyra laugardaginn 10. júlí klukkan 15:00.
Vertinn mun töfra fram veitingar og drykki einsog honum einum er lagið. Ókeypis aðgangur er á tónleikana en tónleikaröðin er styrkt af SASS.