Tveir 18 ára tónlistarnemendur, Katrín Birna Sigurðardóttir og Nikodem Júlíus Frach, halda tónleika í kirkjum á Suðurlandi um næstu helgi.
Helgina 24.-25. júlí halda þau saman tónleika í kirkjum víðs vegar á Suðurlandi þar sem þau spila þekkt lög og klassísk verk. Laugardaginn 24. júlí í Skálholtskirkju kl. 16 og sunnudaginn 25. júlí í Oddakirkju kl. 14 og Víkurkirkju kl. 20. Aðgangur er ókeypis og allir velkomnir.
Katrín Birna lauk í vor framhaldsprófi í sellóleik frá Tónlistarskóla Árnesinga og Nikodem Júlíus lauk framhaldsprófi í fiðluleik frá Menntaskólanum í tónlist í vor. Þau eru bæði á leið í tónlistarháskóla erlendis í haust.
Tónleikarnir eru styrktir af Uppbyggingasjóði Suðurlands.