Skuggamyndir frá Býsans í Skyrgerðinni

Hljómsveitin Skuggamyndir frá Býsans heldur tónleika í Skyrgerðinni í Hveragerði í kvöld,
fimmtudagskvöldið 17. október kl. 20:30.

Hljómsveitin leikur Balkantónlist sem er þjóðlagatónlist frá Búlgaríu, Makedóníu, Tyrklandi og Grikklandi. Balkantónlist er gríðarlega fjörug, tilfinningarík og dulúðleg á köflum.

Skuggamyndir frá Býsans á tíu ára afmæli á næsta ári og hefur leikið á yfir 300 viðburðum á Íslandi, Færeyjum og Makedóníu við frábæran orðstír, gefið út tvo geisladiska og einn DVD disk frá tónleikum í Eldborg 2015.

Nú er um að gera fyrir Sunnlenndinga að reima á sig dansskónna og gíra sig upp í tryllta gleði á Skyrgerðinni þetta kvöld.

Hljómsveitina skipa þeir Haukur Gröndal klarinett, Ásgeir Ásgeirsson ýmis austræn strengjahljóðfæri, Þorgrímur Jónsson bassi og Erik Qvick slagverk.

Miðaverði er stillt í hóf en það er 2000 kr.