Sjö skáldkyrjur munu flytja ljóð sín í Konubókastofu, á neðri hæð bókasafnsins á Eyrarbakka við Túngötu 40, fimmtudaginn 19. nóvember næstkomandi klukkan 17-19.
„Það má segja að 19. nóvember sé dagur okkar skáldkyrja og munum við halda áfram að ljóðast saman árlega á þeim degi um ókomna framtíð.
Í ár bjóðum við gesti velkomna í Konubókastofu og hlusta á ljóðalestur á birtum og óbirtum ljóðum úr fórum okkar hver með sínum hættir. Verið hjartanlega velkomin í kaffi og hlýða á upplestur,“ segir í tilkynningu frá skáldkyrjunum.
Flytjendur eru þær Draumey Aradóttir, Gunnhildur Þórðardóttir, Helen Halldórsdóttir, Margrét Lóa Jónsdóttir, Rut Ríkey Tryggvadóttir, Sigurbjörg Þrastardóttir og Þórunn Valdimarsdóttir. Allar hafa þær gefið út fjölda ljóðabóka, tekið þátt í mörgum upplestrum og fengið viðurkenningar og ljóðaverðlaun.