Sirkus Íslands mun snúa aftur í sirkustjaldinu Jöklu, þriðja árið í röð og hefjast sýningar þann 10. júlí.
Sýningarnar verða staðsettar í Vatnsmýrinni en þar mun Jökla rísa og verða sýningarnar stærri en nokkru sinni fyrr. Ein listamannanna er Sirrý Fjóla Þórarinsdóttir frá Þorlákshöfn en hún er línudansari í sýningunni og getur ekki beðið eftir að sjá alla í sirkus í sumar.
Að þessu sinni eru sýningarnar tvenns konar, annars vegar fjölskyldusýning sem hentar öllum aldurshópum og allir ættu að hafa gaman af, ungir sem aldnir. Svo er það fullorðinssýningin Skinnsemi, sem er einungis ætluð fullorðnum.
Sirkusinn lofar frábærri skemmtun, nýjum upplifunum og minningum sem munu endast alla æfina. Hægt er að kaupa miða inn á sirkus.is, það þarf þó að hafa hraðar hendur þar sem að sýningafjöldi er takmarkaður.
