Þessa dagana eru nemendur Tónlistarskóla Rangæinga að vinna verkefni tengt söngleiknum Vesalingunum eða Les Misérables á frummálinu.
Það eru eldri nemendur úr samsöngshópi Tónlistarskóla Rangæinga undir stjórn Aðalheiðar Margrétar Gunnarsdóttur söngkennara.
Skemmtileg vinna hefur verið og meðal annars kom Þór Breiðfjörð, sem söng aðalhlutverk söngleiksins er Þjóðleikhúsið setti upp árið 2012, í heimsókn til aðstoðar við túlkun á sviði.
Friðrik Erlingsson leikstjóri setti saman leiðandi texta með lögunum sem sögumaðurinn Pétur Halldórsson mun lesa. Guðjón Halldór Óskarsson sér um meðleik.
Sýningar verða á konudaginn, sunnudaginn 23. febrúar í Hvolnum á Hvolsvelli. Fyrri sýning er kl. 15:00 og sú síðari kl. 17:00.
Aðgangseyrir er kr. 1.000 til uppbyggingar söngdeildarinnar, en frítt fyrir nemendur og starfsfólk tónlistarskólans. Allir velkomnir!