Nú er jólabókaflóðið skollið á og meðal þeirra bóka sem nýlega hafa litið dagsins ljós er skáldsagan Mzungu eftir Þórunni Rakel Gylfadóttur og Simon Okoth Aora og fjölskylduhrollvekjan Blaka eftir Rán Flygenring, gefnar út af bókaforlaginu Angústúru.
Rakel og Rán munu heimsækja Bókasafn Árborgar á Selfossi fimmtudaginn 27. nóvember klukkan 16 (Rán) og 17 (Rakel) og segja frá bókunum og lesa upp úr þeim.
Bókin Mzungu eftir Þórunni og Simon fjallar um Huldu, sem kemur til Kenía þar sem hún ætlar að starfa á heimili fyrir munaðarlaus börn. Íslendingurinn Skúli er í forsvari fyrir heimilið og virðist stýra því af miklum myndarskap og hlýju. Þegar líða tekur á dvölina fer Huldu þó að gruna að ekki sé allt með felldu. Þetta er hörkuspennandi og áleitin frásögn um hvert góður vilji og löngun til að bæta heiminn getur leitt.
Rán Flygenring, er einn þekktasti myndabókahöfundur landsins, sendir nú frá sér bókin Blöku. Í svartasta skammdeginu undirbúa Vaka, Kókos og pabbi sig fyrir sólarlandaferð. Þau ætla að heimsækja vatnsrennibrautagarð, taka þátt í sandkastalakeppni og belgja sig út af ís. En þegar þau koma auga á rammvillta leðurblöku flögrandi í húminu grípur um sig skelfing í borginni og áform þeirra fljúga út í veður og vind. Óhrædd við myrkrið tekur Vaka afdrifaríka ákvörðun sem snýr veröldinni á hvolf.
