Föstudaginn 18. júní kl. 15:00 verður efnt til Ragnheiðargöngu í Skálholti til að minnast Ragnheiðar Brynjólfsdóttir, en í ár eru 380 ár frá fæðingu hennar.
Ragnheiður Brynjólfsdóttir bjó í Skálholti sína stuttu ævi. Í göngunni munu Friðrik Erlingsson rithöfundur og sr. Kristján Björnsson vígslubiskup í Skálholti fara yfir sögu Ragnheiðar, ævi hennar og örlög.
Friðrik er einn helsti sérfræðing landsins í sögu Ragnheiðar, en hann kafaði djúpt í sögu hennar við undirbúning á óperunni Ragnheiði sem var einmitt frumflutt í Skálholtsdómkirkju á sínum tíma.
Gangan tekur um 1-2 klst. Gengið verður um Skálholtskirkju og næsta nágrenni en skoðaðir verða helstu staðir tengdir ævi Ragnheiðar og fólksins hennar. Þar á meðal verður komið við hjá minningarmarki Ragnheiðar og fjölskyldu sem Skálholtsfélag hið nýja kom upp fyrir fáeinum árum.
Hægt er að kaupa veitingar á Veitingastaðnum Skálholti áður en gangan hefst. Gangan er ókeypis og þið eruð öll velkomin! Vinsamlegast skráið ykkur hér svo hægt sé að meta fjöldann
Gangan er styrkt af Uppbyggingasjóði Suðurlands.