Fimm sunnudaga í sumar verður farin pílagrímaganga frá Strandarkirkju í Selvogi heim í Skálholt. Fyrsta gangan verður 28. maí, þegar gengið verður frá Strandarkirkju að Þorlákskirkju.
Göngulag pílagrímsins er með dálítið öðrum hætti en göngumannsins. Eitt er að fara af stað og ganga, en annað er að ganga í gleðisöng pílagrímsins. Þessar ferðir gætu því komið að gangi til að temja sér hugarfar pílagrímsins í henni veröld. Heimamenn mæta pílagrímum og kynna fyrir þeim sögur og sjónardeildarhringinn.
Þátttakendur mæti á einkabílum á áfangastað hverrar göngu og skilja bíla eftir þar. Rúta flytur síðan hópinn á upphafsstað göngunnar og svo er gengið til áfangastaðar þar sem bílarnir bíða.
Hægt að fara í stakar ferðir. Ganga þarf frá greiðslu fyrir kl. 15, fimmtudaginn fyrir ferð. Hver ferð kostar kr. 9.000 (6.000 kr fyrir félaga í FÍ) og er það Ferðafélag Íslands sem heldur utanum skráningu í ferðirnar.
Fyrsta gangan verður 28. maí, Strandarkirkja – Þorlákskirkja. Lagt af stað með rútu kl. 9:30 frá íþróttahúsinu í Þorlákshöfn. Gengið frá Strandarkirkju um 18 km leið með sjónum sem leið liggur austur í Þorlákshöfn. Fararstjórar eru Edda Laufey Pálsdóttir, Barbara Guðnadóttir, sr. Axel Á. Njarðvík og sr. Halldór Reynisson
Skipuleggjendur eru Ferðafélag Íslands, Suðurprófastsdæmi ásamt undirbúningsnefnd sveitarfélaga svæðisins.
Fréttatilkynning