Eftir að hafa farið á hundavaði um sögu íslensku þjóðarinnar í þremur brakandi skemmtilegum sýningum – Sögu þjóðar, Öldinni okkar og Kvenfólki – snýr hinn óviðjafnanlegi dúett Hundur í óskilum aftur í Borgarleikhúsið og ræðst á einn af hornsteinum íslenskrar menningar – sjálfa Njálu.
Þarna er á ferðinni drepfyndin sýning þar sem þeir Hjörleifur Hjartarson og Eiríkur Stephensen hlaupa meira en hæð sína í öllum herklæðum í gegnum skrautlegt persónugallerí Njálu. Við sögu koma taðskegglingar, hornkerlingar, kinnhestar, kartneglur og þjófsaugu svo fátt eitt sé nefnt.
Sýningin verður frumsýnd á föstudagskvöld, þann 5. nóvember er hér fyrir neðan má sjá stutt brot úr sýningunni.