Í síðustu viku opnaði ljósmyndaklúbburinn 860+ útiljósmyndasýningu í miðbæ Hvolsvallar.
Þetta er önnur sýning hópsins en þau voru einnig með sýningu þar í fyrra sem fékk töluverða athygli og mikið lof gesta, fyrir myndefnin og ekki síst uppsetninguna og umgjörðina.
Ljósmyndaklúbburinn 860+ var stofnaður í september 2008 þegar nokkrir áhugaljósmyndarar af svæðinu tóku sig saman til að efla þekkingu sína á ljósmyndun. Nú eru 30 manns skráðir í klúbbinn. Öll eiga þau það sameiginlegt að búa eða hafa búið í Rangárþingi eystra.
Átján ljósmyndarar taka þátt í sýningunni að þessu sinni en sýningin er styrkt af Rangárþingi eystra og Menningarráði Suðurlands.