Myndlistarkonan Michelle Bird, sem býr í Fljótshólum í Flóahreppi, opnar nýja sýningu í Gallery Listaseli í miðbæ Selfoss á morgun, sunnudag.
Íslensk náttúra hefur verið Michelle hugleikin og nýja sýningin er engin undantekning en þar sýnir hún myndir af íslenskum fiskum.
Sýningaropnunin er á milli 14 og 16 á sunnudag en sýningin verður opin út marsmánuð.
Michelle hefur búið á Íslandi undanfarin ellefu ár en hún hefur málað í meira en 40 ár og sýnt í galleríum og söfnum um alla Evrópu og Bandaríkin.
