Litagleði Kolbrúnar í Listagjánni

Litagleði. Ljósmynd/Aðsend

Kolbrún Ásmundsdóttir opnar sýningu í Listagjá Bókasafnsins á Selfossi á morgun, föstudag.

Kolbrún er uppalin í Reykjavík og bjó þar þangað til hún flutti á Selfoss sumarið 2017. Sem barn ólst hún upp með skapandi föður sínum frá unga aldri, hann skar út dýr úr fiskbrjóski, límdi skeljar á rekavið, útbjó lampa og margt fleira. Hún var mikið náttúrubarn og elskaði fjörur og drullubú.

Kolbrún útskrifast frá Fósturskóla Íslands árið 1986 og vann hlutastörf á leikskóla en listrænir hæfileikar hafa ávallt verið í huga hennar og fór hún fyrir alvöru að mála myndir fyrir ári síðan.

Kolbrún er einnig mikill fagurkeri hvað varðar heimilið sitt og heldur úti Facebook síðunni Kollakiss Kollakiss þar sem má sjá myndir eftir hana.

Sýningin er opin á sama tíma og safnið og stendur til 29. maí næstkomandi. Opið er alla virka daga frá kl. 9-18 og laugardaga frá kl. 10-14.