Listrými er skóli, gallerí og vinnustofa Guðrúnar Arndísar Tryggvadóttir sem nýlega færði út kvíarnar og hefur nú yfir rúmgóðu atvinnuhúsnæði að ráða að Mánamörk 3-5 í Hveragerði, þar sem að starfsemin er rétt að smella í gang.
Listrými býður upp á allskonar námskeið, sýningar og vinnustofur. Fyrsta námskeiðið, Módelteiknun og málun er á laugardögum eftir hádegi í september. Í október byrja síðan námskeiðin Hugmynd verður mynd og Listmálun, að láta efnið tala. Í nóvember verður vatnslitamálun tekin föstum tökum með áherslu á að vatn, litur og hugur komi saman og skapi nýjan og spennandi heim.
Guðrún er sannfærð um að allir geti lært að teikna og mála og að listsköpun sé í raun lykillinn að því að kynnast sjálfum sér. Markmiðið þarf ekki endilega að vera að búa til listaverk í skilningi þess orðs heldur að vinna með hugsanir, reynsluheim og gera tilraunir með að ná tangarhaldi á hugmyndaheimi okkar og verða skapandi.
Guðrún nam við Myndlista- og handíðaskóla Íslands, École Nationale Supérieure des Beaux-Arts í París og Akademie der Bildenden Künste í München. Hún hefur sýnt víða og hlotið fjölda viðurkenninga.Verk hennar byggja á sterkum hugmyndafræðilegum og oft sögulegum grunni en hún gerir sífellt tilraunir með nýja tækni og frásagnaraðferðir í list sinni. Guðrún stofnaði listaskólann RÝMI, hönnunarstofu og umhverfisvefinn Náttúran.is og hefur rekið LISTRÝMI sl. fimmtán ár, í átta ár innan veggja Listasafns Árnesinga í Hveragerði en síðan á eigin vinnustofu á Selfossi.
Opin hús eru haldin reglulega í Listrými galleríi og vinnustofu en opnunartímar á öðrum tímum eru eftir samkomulagi. Bæði einstaklingar og hópar eru hjartanlega velkomnir en vinsamlegast bókið heimsóknina tímanlega.
Allar frekari upplýsingar um námskeiðin og feril Guðrúnar er að finna á tryggvadottir.com. Hægt er að hafa beint samband í síma 863 5490 og heimsækja Listrými á Facebook og listrymi á Instagram til að fá frekari upplýsingar.
