Lokakvöld menningarmánaðarins október í Árborg verður haldið í kvöld kl. 20 í Tryggvaskála.
Kristjana Stefáns stígur þar á svið ásamt kvartett og heiðrar minningu stórskáldsins Páls Ísólfssonar frá Stokkseyri sem hefði orðið 120 ára þann 12. október sl. en öll lög kvöldsins eru eftir hann.
Frítt er inn á viðburðinn líkt og aðra viðburði á vegum íþrótta- og menningarnefndar í mánuðinum en þátttaka hefur verið frábær á öllum viðburðum sem voru með fjölbreyttara móti þetta árið.