KK og Gaukur á Hendur í höfn

KK og Gaukur. Ljósmynd/Ólafur Kr. Ólafsson

Tónlistarmaðurinn KK ferðast nú um landið ásamt ungum vini sínum, Gauki. Þeir verða á Hendur í höfn í Þorlákshöfn á föstudagskvöld, þann 18. október.

KK er landsmönnum kunnur en Gaukur er að hasla sér völl á Íslandi en hefur undanfarin ár spilað út um allan heim, meðal annars með hljómsveitinni Kaleo. Með KK verður hann töluvert að spila slide gítar eða Hawaii gítar eins og það er líka kallað og raddar í bluegrass stíl.

Þeir munu spila úrval af lögum KK og aðrar hugljúfar dillandi melódíur. KK ætlar að vígja nýjan gítar á túrnum, forlátan Collings gítar frá Texas. Og allt verður þetta flutt gegnum einn hljóðnema.

Missið ekki af einstökum tónleikum á Hendur í höfn 18. október. Miðasala er á midi.is og borðapantanir á hendurihofn@hendurihofn.is.