Kærleikur og tími er yfirskrift næstu tónleika á Tónlistarhátíðinni Englar og menn í Strandarkirkju sem haldnir verða sunnudaginn 12. júlí næstkomandi klukkan kl. 14:00.
Þar koma fram dúóið Siggi&Ingibjörg, þau Ingibjörg Fríða Helgadóttir sem syngur og leikur á slagverkshljóðfæri og Sigurður Ingi Einarsson sem syngur, leikur á gítar og slagverkshljóðfæri. Á tónleikunum bjóða þau upp á ferðalag um íslenska tónlist í tali og tónum, frá tvísöng til sönglaga nútímans. Þau byrja á tvísöng og þjóðlögum, fara síðan yfir í klassísk íslensk sönglög, dægurlög, popp og rokk – allt fram til dagsins í dag.
Siggi og Ingibjörg hafa starfað undanfarin ár bæði við lifandi flutning og tónsmíðar en einnig leitt skapandi verkefni og tónlistarsmiðjur með fjölbreyttum hópum.
Þau hafa tekið reglulega á móti innlendum og erlendum hópum og farið með þá í ferðalag um íslenska tónlistarsögu á lifandi og skemmtilegan hátt. Þau hafa hlotið innlendar og erlendar tilnefningar og verðlaun fyrir störf sín.
Miðaverð er kr. 5.000 og kr. 4.500 fyrir 65+. Miðasala er við innganginn.
Tónlistarhátiðin Englar og menn stendur yfir í júlímánuði með tónleikum kl. 14. Nánar upplýsingar um tónlistarhátíðina og næstu viðburði er á Facebooksíðu hátíðarinnar.