Menningarverðlaun Hveragerðisbæjar 2026 voru afhent á 17. júní hátíðarhöldunum í bænum og komu í hlut Jónasar Sigurðssonar og Áslaugar Hönnu Baldursdóttur í Blómaborg.
Frá því Jónas og Áslaug Hanna festu kaup á Blómaborg árið 2022 hafa þau lagt metnað sinn í að skapa lifandi vettvang fyrir menningu og mannlíf. Þar hafa verið haldnir tónleikar, ljóðalestur, markaðir og fjölbreyttir viðburðir sem hafa gefið íbúum og gestum tækifæri til að njóta lista, samveru og skapandi stundar. Með eldmóði sínum og framtakssemi hafa þau orðið órjúfanlegur hluti af því öfluga menningarlífi sem Hveragerði er þekkt fyrir.
Viðurkenningunni fylgdi sérstakur gripur sem hannaður var af keramikhönnuðinum Hrönn Waltersdóttir. Gripurinn er falleg táknmynd þess skapandi krafts og þeirrar menningar sem verðlaunin eiga að heiðra og undirstrikar jafnframt mikilvægi listsköpunar í samfélaginu.
Það var Sigmar Karlsson, formaður menningar-, atvinnu- og markaðsnefndar Hveragerðisbæjar sem afhenti verðlaunin.