Jólatónleikar í Breiðabólstaðarkirkju

Frá jólatónleikunum á Breiðabólsstað í fyrra. Ljósmynd/Aðsend

Þriðjudaginn 17. desember 2019 kl. 20:00 verða haldnir jólatónleikar í Breiðabólstaðarkirkju í Fljótshlíð.

Flutt verður falleg jóla- og aðventutónlist, ásamt Vetrinum eftir A. Vivaldi og þáttum úr Jólaóratóríu J.S. Bachs.

Flytjendur á tónleikunum eru söngkonurnar Aðalheiður Margrét Gunnarsdóttir og Þórunn Elfa Stefánsdóttir, Rut Ingólfsdóttir fiðluleikari og Guðjón Halldór Óskarsson orgelleikari. Kirkjukór Breiðabólstaðarprestakalls syngur og fá kirkjugestir að taka þátt í söngnum.

Aðgangur er ókeypis.