Jólasýning undir stiganum

Sett hefur verið upp sérlega skemmtileg sýning í Gallerí undir stiganum á Bæjarbókasafni Ölfuss.

Sýninguna prýða jólamyndir sem Margrét Thorarensen, Þorlákshafnarbúi og starfsmaður í leikskólanum Bergheimum saumaði. Myndefnið tengist jólunum og saumaði Margrét myndirnar þegar hún bjó í Reykjavík og á Flateyri á árunum 1980-1997.

Sýningin stendur yfir út desembermánuð og er opin á opnunartíma safnsins.