Kveikt verður á jólaljósum sveitarfélagsins Árborgar næstkomandi fimmtudag, þann 17. nóvember kl. 18:00.
Hátíðardagskrá hefst á Brúartorginu í miðbæ Selfoss kl. 17:00 þar sem fram koma Þórir Geir og Alexander Freyr, ásamt því sem barna- og unglingakór Selfosskirkju stígur á stokk og syngur jólalög.
Fjóla Kristinsdóttir, bæjarstjóri Árborgar, heldur stutta tölu áður en talið verður niður í jólaljósin.
Einstaklingar og fyrirtæki í sveitarfélaginu eru hvött til að kveikja jólaljósin á fimmtudaginn til að lýsa upp skammdegið við upphaf Jóla í Árborg 2022.