Hjónin og listafólkið Eggert Kristinsson og María Ólafsdóttir bjóða í Jólagleði föstudaginn 1. desember á milli kl. 16-19 í heimagalleríinu sínu að Laxalæk 36 á Selfossi.
Þar verður boðið upp á jólaglögg og hljómborðsleikarinn Tómas Jónsson leikur jólalög á hammond. Í galleríinu er mikið úrval af málverkum, leirlist og skartgripum sem eru tilvaldar í jólapakkann hjá þeim sem standa manni næst.
Á aðventunni verða þau Eggert og María með reglulegar opnanir og má finna allar upplýsingar um þær á facebook síðunni EM heimagallerí.