Jólabingó á Borg

Jólabingó og kaffihlaðborð Kvenfélags Grímsneshrepps verður haldið í dag, laugardag kl. 14, í félagsheimilinu Borg.

Veglegir vinningar eru í boði og má m.a. nefna jólahlaðborð fyrir tvo á Hótel Selfossi, gjafabréf í Versluninni Lindex í Smáralind, jólasteik frá Ormsstöðum og SS og margt fleira.

Aðgangseyrir er 1.000 kr. og innifalið er kaffihlaðborð og eitt bingóspjald. Auka bingóspjald 500 kr.

Allur ágóði rennur í sjóðinn góða hjá Rauða krossinum í Árnessýslu. Sjóðurinn góði aðstoðar þá sem höllum fæti standa í aðdraganda jóla.

Kvenfélagskonur vonast eftir að sjá sem flesta hressa og káta með klink og seðla til styrktar góðu málefni.