Jazz undir fjöllum, árleg jazzhátíð í Skógum undir Eyjafjöllum, verður haldin í 23. sinn helgina 25.-26. júlí. Í ár fara tónleikarnir fram á Freyu Café í Samgöngusafninu í Skógum.
Ókeypis er inn á tónleikana og reiknað með að gestir geti komið og farið að vild á meðan á tónleikunum stendur. Á Jazzhátíð í Skógum stígur fram úrval íslenskra djasslistamanna sem bjóða gestum í ferðalag um ólíkar hliðar djassins.
Á laugardag milli 15 og 17 mun Rebekka Blöndal syngur eigin jazzútgáfur af lögum systkinanna Ellýar og Villa. Hljómsveitina skipa Daði Birgisson píanó og söngur, Jóel Pálsson saxófónn, Nico Moreaux kontrabassi og Magnús Tryggvason Elíassen trommur.
Á sunnudag milli 15 og 17 kemur Lina Lövstrand fram með sextett sinn. Lina spilar á flautu og bassaklarinett og með henni koma fram Sigurður Flosason saxófónn og klarinett, Anna Gréta Sigurðardóttir píanó, Fredrik Olsson gítar, Lars Ekman kontrabassi og Niklas Bodin trommur.
Fyrri hátíðir í Skógum hafa fengið frábæra aðsókn og góða dóma. Hér er á ferðinni einstakt tækifæri til að njóta góðrar og fjölbreyttrar tónlistar í tengslum við lifandi náttúru Íslands eins og hún gerist fegurst. Aðstandendur hátíðarinnar eru Skógasafn og Sigurður Flosason. Hátíðin nýtur stuðnings Rangárþings eystra og Skógasafns.