Fiðluleikarinn stórefnilegi, Hugrún Birna Hjaltadóttir frá Selfossi, var að gefa út sitt fyrsta lag á öllum helstu streymisveitum.
Lagið er ábreiða af Oasis laginu Don’t Go Away sem kom út á plötunni Be Here Now árið 1998. Daniel Cassidy, fiðlukennari Hugrúnar Birnu, hljóðblandaði og pródúseraði lagið auk þess að spila á gítar.
„Þetta ferli er búið að vera svo lærdómsríkt og skemmtilegt og ég er svo þakklát fyrir þetta tækifæri. Dan er alger snillingur og frábær kennari og einnig var mjög dýrmætt að fá minn fyrsta tónlistarkennara, Uelle Hahndorf, til þess að spila með okkur í laginu á selló,“ segir Hugrún Birna.
Lagið má finna hér fyrir neðan og hentar það frábærlega á alla kósý spilunarlista.