Markaðs- og menningarnefnd var einhuga í vali sínu á sveitalistamanni Rangárþings eystra fyrir árið 2026. Listakonan Hrafnhildur Inga Sigurðardóttir á Sámstaðabakka í Fljótshlíð tók á móti verðlaununum á Kjötsúpuhátíðinni um síðustu helgi.
Hrafnhildur Inga er Fljótshlíðingur, fædd og uppalin á Vestri-Sámstöðum. Hún hefur gert náttúru og landslagi heimahaganna góð skil í verkum sínum, þar sem íslenskt landslag, birta og veður skipa jafnan stóran sess.
Með þessari útnefningu vill sveitarfélagið þakka Hrafnhildi Ingu fyrir hennar mikilvæga framlag til lista og menningar í Rangárþingi eystra.