Í ár eru 80 ár liðin síðan Pálmar Þ. Eyjólfsson heitinn hóf störf sín sem organisti við Stokkseyrar- og Gaulverjabæjarkirkjur. Í tilefni þess ætlar Kammerkór Eyrarbakka- og Stokkseyrarkirkna í samstarfi við Kirkjukór Gaulverjabæjarkirkju að efla til tónleika í Skálholtsdómkirkju á sumardaginn fyrsta.
Yfirskrift tónleikanna er Ég horfi yfir hafið, tónleikarnir hefjast kl. 20:00 og eru um klukkustundar langir og aðgangur er ókeypis.
Á efnisskráinni eru lög eftir Pálmar en einnig lög eftir Ísólf Pálsson og Sigfús Einarsson. Einsöngvarar eru Guðný Alma Haraldsdóttir og Jónína Eirný Sigurðardóttir en Pétur Nói Stefánsson stjórnar kórnum.