Miðvikudaginn 10. desember kl. 20 halda Kammerkór Eyrarbakka- og Stokkseyrarkirkna og Kirkjukór Hraungerðis og Villingaholts sameiginlega jólatónleika í Selfosskirkju.
Stjórnandi er Pétur Nói Stefánsson, sem er nýlega tekinn við organistastarfi í öllum fjórum kirkjunum auk Gaulverjabæjarkirkju.
Á efnisskránni verða sígild jólalög í hátíðlegum útsetningum.
Auk kóranna koma fram nemendur og kennarar úr Tónlistarskóla Árnesinga, söngkvartett og einsöngvari. Meðleikari er Ester Ólafsdóttir.
Aðgangur er ókeypis og allir hjartanlega velkomnir að eiga notalega stund í aðdraganda jóla.