Miðvikudagskvöldið 25. febrúar næstkomandi klukkan 20 mun rithöfundurinn Hallgrímur Helgason halda fyrirlestur um Njálu í matsal Menntaskólans að Laugarvatni.
Þar mun hann fjalla um þessa Biblíu Íslendinga, reyna að komast yfir hana, átta sig á list hennar og lífsmagni og spyrja Njálu hreint út hvað hún sé. Ertu sönn saga, skáldsaga, kjaftasaga eða bara hinn eilífi samkomustaður Íslendinga?
Yfirskrift fyrirlestursins er Hál ertu Njála en hann er í boði Gullkistunnar, sköpunarmiðstöðvar á Laugarvatni. Hallgrímur hefur dvalið þar við skriftir frá áramótum.
Aðgangur er ókeypis og öllum heimill meðan húsrúm leyfir.
Hallgrímur hefur starfað sem rithöfundur og myndlistarmaður frá árinu 1982. Hann hefur sent frá sér 12 skáldsögur auk ljóðabóka og leikritaþýðinga. Kunnastar bóka hans eru 101 Reykjavík, Konan við 1000 gráður og Sextíu kílóa sagan. Þessar vikurnar situr skáldsaga hans, Sextíu kíló af sólskini, á toppi metsölulista í Noregi.