Gísli Freyr Sigurðsson söngvari hljómsveitarinnar Slysh frá Hveragerði var valinn söngvari Músíktilrauna 2023 en úrslitakvöldið fór fram í Hörpu í kvöld.
Slysh var ein tíu hljómsveita og tónlistarmanna sem komst á úrslitakvöldið en salurinn kaus hljómsveitina áfram á þriðja undankvöldinu fyrr í vikunni.
Drengirnir í Slysh stóðu sig með prýði á sviðinu í kvöld, dyggilega studdir af fjölda aðdáenda í salnum.
Blackmetal hljómsveitin Vampíra frá Reykjavík fór með sigur af hólmi í keppninni í ár og sunnlenska hljómsveitin Fókus, sem sigraði í fyrra, kom fram á úrslitakvöldinu og gerði gott mót.