Þriðja sumarið í röð stendur Ferðamálafélag Skaftárhrepps fyrir gönguferðum með leiðsögn um valda staði í hreppnum.
Ferðirnar eru á miðvikudagskvöldum og laugardögum, og allir eru velkomnir!
Fyrsta ferðin er í kvöld en þá verður gengið að Fljótsbotni í Meðallandi.
Göngustjóri er Ingibjörg Eiríksdóttir en Kjartan Ólafsson mun taka á móti hópnum og segja frá staðháttum.
Mæting er við Skaftárskála kl. 18 (Botnaafleggjara kl. 18:20).