Leikritið Afsakið hlé! var frumsýnt á Gömlu Borg í Grímsnesi í gærkvöldi. Þetta er í fyrsta sinn eftir 60 ára hlé sem viðburður er haldinn í þessu 97 ára gamla húsi.
Sýningin markar ákveðin tímamót, en þetta er fyrsti opinberi viðburðurinn í húsinu síðan Grímsnes- og Grafningshreppur keypti húsið fyrr á þessu ári. Ungmennafélagið Hvöt reisti húsið á sínum tíma og var Gamla Borg helsta samkomuhús sveitarinnar á árum áður.
Leikstjóri er heimakonan Lilja Nótt Þórarinsdóttir. Afsakið hlé!, sem er eftir Árna Ibsen, er grafalvarlegur gjaldþrotafarsi sem fjallar á gamansaman en beittan hátt um mannlega bresti, stór egó, örvæntingu og sjálfsblekkingu þegar allt stefnir í vitleysu.
Hægt er að nálagst miða inn á Tix.is
