Tónleikagestir skemmtu sér konunglega á Kótelettunni í gærkvöldi þegar fyrra stóra tónleikakvöld hátíðarinnar fór fram. Það voru þau Eiríkur Hauksson og Sigga Beinteins sem stálu senunni í gærkvöldi en þau komu fram með Stuðlabandinu.
Meðal annarra listamanna sem komu fram í gærkvöldi voru Aron Can, GDRN, Herra Hnetusmjör, Kristmundur Axel, Stuðlabandið, Retro Stefson, Tónhylur, Elvar og Inspector Spacetime.
„Það er ótrúlega gaman að sjá svona mikla gleði á svæðinu. Stemningin í gærkvöldi var nákvæmlega það sem við vonuðumst eftir. Það er tilhlökkun hjá okkur fyrir deginum í dag og svo lokum þessu á Music Festivalinu í kvöld,“ segir Einar Björnsson, stofnandi Kótelettunnar.
Í dag, laugardag, nær BBQ Festival-hluti Kótelettunnar síðan hámarki í Sigtúnsgarðinum þar sem boðið verður upp á glæsilega og ókeypis fjölskylduhátíð frá klukkan 13:00 til 16:00.
