Emilía Hugrún heldur sína fyrstu tónleika í Þorlákskirkju í Þorlákshöfn þriðjudagskvöldið 26. júlí. Eins og mörgum er kunnugt sigraði Emilía Hugrún í Söngkeppni framhaldsskólanna, fyrir hönd FSu í vor og eflaust margir sem bíða spenntir eftir því að heyra meira frá henni.
Með Emilíu Hugrúnu leikur Tómas Jónsson á hljómborð og ætla þau að flytja uppáhalds lög Emilíu Hugrúnar.
Tónleikarnir hefjast kl. 20 og er miðaverð 3.000 kr. Miðasala er á Tix.is og við inngang á meðan húsrúm leyfir.