Fyrstu þrír metrarnir í Njálureflinum kláraðir

Í síðustu viku náðist að klára fyrstu þrjá metrana í Njálureflinum sem verið er að sauma í Sögusetrinu á Hvolsvelli.

Fyrsta saumsporið var tekið í byrjun febrúar og því hafa þessir þrír metrar klárast á fimm mánuðum. Þær Christina Bengtson og Gunnhildur E. Kristjánsdóttir, framkvæmdastjórar Njálurefilsins, eru himinlifandi með hversu vel verkefnið hefur farið af stað. Bæði heimafólk og ferðamenn koma við til að sauma, konur og karlar á öllum aldri.

Fólk er eindregið hvatt til að renna við í Sögusetrinu og taka nokkur saumspor í refilinn.