Föstudagslagið með Hr. Eydís að þessu sinni er lagið Rebel Yell með hinum síunga Billy Idol. Lagið er af samnefndri plötu sem kom út í október 1983. Lagið varð þó í raun ekki almennilega vinsælt fyrr en 1985 þegar það fór upp í sjötta sæti breska vinsældalistans.
„Þetta er sko gamalt uppáhaldslag. Ég hljóp oft heim úr Hagaskóla í hádeginu til að hlusta á Rebel Yell í botni á meðan mamma var í vinnunni,“ segir Örlygur Smári söngvari og gítarleikari hlæjandi. „Maður dansaði ekki við þetta á skólaböllunum heldur hoppaði, allir hoppuðu!“ bætir Örlygur við.